Trent Alexander-Arnold.
„Mér líst bara vel á þetta," sagði Heimir Hallgrímsson, landsliðsþjálfari Jamaíku, er hann talaði um Liverpool í útvarpsþættinum Fótbolta.net síðasta laugardag.
Heimir er stuðningsmaður Liverpool sem hefur farið nokkuð vel af stað í ensku úrvalsdeildinni á tímabilinu.
Heimir er stuðningsmaður Liverpool sem hefur farið nokkuð vel af stað í ensku úrvalsdeildinni á tímabilinu.
Það voru miklar efasemdir í garð Liverpool í sumar þar sem liðið var lengi að klára sín mál á leikmannamarkaðnum, en það hefur gengið vonum framar á tímabilinu.
Heimir er ánægður með tímabilið til þessa en hann segir að Trent Alexander-Arnold, hægri bakvörður liðsins, fari stundum í taugarnar á sér.
„Reyndar fer hægri bakvörðurinn alltaf í taugarnar á mér. Mér finnst Trent vera slakur varnarlega. Það eru alltof mörg lið sem spila upp á það. Ég held að Klopp viti samt meira en ég um þetta lið."
„Ég treysti honum alveg til að velja þetta lið. Það sem hann hefur gert núna á stuttum tíma... að koma öllum inn í kerfið þegar það eru búnar að vera hræringar á öllu. Ég er bjartur og ekki bara fyrir þetta ár, heldur næstu ár líka."
Hægt er að hlusta á allan útvarpsþáttinn í spilaranum hér fyrir neðan.
Athugasemdir
