Jóhannes Karl Guðjónsson, þjálfari ÍA, skaut á leikstíl KR eftir leik liðanna á Akranesi í fyrrakvöld. KR vann 2-1 en Jóhannes Karl skaut á leikstíl liðsins líkt og hann gerði einnig eftir leik í fyrra.
„Þeir héldu sama leikplani allan leikinn og dældu boltanum hátt og langt á bakverðina hjá okkur. Við leystum það að stóru leyti. Þeir ýttu Pálma [Rafni Pálmasyni] mjög framarlega og vilja bara vera í svoleiðis fótbolta; að vinna seinni boltann og fá horn- og aukaspyrnur. Þeir gerðu það virkilega vel en mér fannst við spila miklu betri fótbolta,“ sagði Jóhannes Karl við Vísi eftir leik.
„Þeir héldu sama leikplani allan leikinn og dældu boltanum hátt og langt á bakverðina hjá okkur. Við leystum það að stóru leyti. Þeir ýttu Pálma [Rafni Pálmasyni] mjög framarlega og vilja bara vera í svoleiðis fótbolta; að vinna seinni boltann og fá horn- og aukaspyrnur. Þeir gerðu það virkilega vel en mér fannst við spila miklu betri fótbolta,“ sagði Jóhannes Karl við Vísi eftir leik.
Ummæli Jóa Kalla voru til umræðu í Innkastinu á Fótbolta.net í gærkvöldi.
„Hann er búinn að spila fimm leiki á móti KR undanfarin tvö ár og tapa þeim öllum. Síðan er hann að setja út á leikstílinn hjá KR. Mér finnst þetta voðalega skrýtið og eiginlega óboðlegt," sagði Ingólfur SIgurðsson.
„Ef við ætlum að taka um fagurfræði og horfum á liðið hans þá hefur það ekki verið þekkt fyrir að spila brasilískan bílastæðabolta undanfarin ár. Mér finnst hann ekki vera í neinni stöðu til að gagnrýna leikstíll annara liða. Hann ætti að byrja á að vinna KR og þá getur hann mætt kokhraustur í viðtal."
Gunnar Birgisson sagði: „Ég veit ekki hvort að hann sé að reyna að afvegaleiða umræðuna. Skagamenn nýttu ekki færin og voru klaufalegir varnarlega. Þeir hefðu getað náð í stig. Í staðinn fyrir að ræða það þá erum við að ræða þetta. Kannski er hann að afvegaleiða umræðuna til að koma með blammeringar sem eiga lítinn flöt á sér."
Hér að neðan má hlusta á Innkastið.
Athugasemdir