Dagný hefur spilað 96 landsleiki fyrir hönd Íslands á meðan Sveindís hefur spilað 12 landsleiki og gert 5 mörk.

Vísir.is skrifaði um fjölskyldutengsl þeirra í september á síðasta ári en föðurafi Sveindísar og langamma Dagnýar í móðurætt tilheyrðu stórum systkinahópi frá Vorsabæ í Austur-Landeyjum.

Sveindís er á mála hjá Wolfsburg en var á láni hjá sænska liðinu Kristianstad síðasta tímabili. Dagný telur að hún geti náð afar langt á ferlinum.

„Það er búið að vera mjög skemmtilegt. Ég byrjaði að fylgjast með henni þegar hún var í yngri landsliðum og fyrstu skref í meistaraflokki. Hún er ótrúlega hæfileikarík," sagði Dagný.

„Hún hefur náð langt hingað til en hún getur náð eins og langt og hún vill ef hún hugsar vel um sig og er heppin með meiðsli. Hún getur náð langt ef hún vill það," sagði hún ennfremur um Sveindísi.