GÖ gegn Leikni í sumar.
Framherjinn Gunnar Örvar Stefánsson er á leiðinni til Möltu að láni frá KA. Gunnar mun þar leika með St. Andrews í næstefstu deild á Möltu út tímabilið.
Gunnar er 26 ára gamall KA maður sem einnig hefur leikið með Þór og Magna á sínum meistaraflokksferli.
Gunnar er 26 ára gamall KA maður sem einnig hefur leikið með Þór og Magna á sínum meistaraflokksferli.
Gunnar tók þátt í átta leikjum með KA á liðinni leiktíð en hann glímdi við meiðsli sem héldu honum frá vellinum hluta af sumrinu.
Fótbolti.net fékk ábendingu um þessi verðandi félagaskipti og heyrði fréttaritari í Gunnari í dag.
Hvernig kom þetta til?
„Yfirmaður hjá liðinu úti þekkir einhvern íslenskan gæja. Sá Íslendingur er ekkert tengdur inn í íslenskan fótbolta en mér skilst að hann hafi talað við einhvern og einhver bent honum á mig. Ég veit ekki alveg allt ferlið, þetta fór svo í gegnum KA," sagði Gunnar.
Fréttaritari skaut þá inn að þetta hljómaði eins og löng leið frá því að lið á Möltu vanti framherja og lausnin sé Íslendingur.
„Já, þetta er mjög langsótt tenging en það er bara svona," sagði Gunnar.
Nánar verður rætt um Gunnar í viðtali sem birtist seinna í kvöld. Þar fer hann yfir fyrri dvalir erlendis og ævintýrið með Magna svo eitthvað sé nefnt.
Athugasemdir
