Bjarnólfur í fínu fötunum í kvöld.
,,Við svosem vissum það að þetta yrði alltaf erfitt hérna. Þórsararnir eru að spila vel hérna á heimavelli og gera það vel sem þeir eru góðir í en við vorum greinilega ekki alveg tilbúnir í þennan leik í kvöld," sagði Bjarnólfur Lárusson eftir sinn fyrsta leik sem þjálfari Víkinga en lið hans tapaði leiknum 6-1.
En eru nýju þjálfararnir með einhver svör?
,,Við erum með helling af svörum og eitthvað af því byrjuðum við á hér í kvöld. Þessi leikur fór bara svona, þeir refsuðu okkur grimmilega í fyrri hálfleik."
,,Þeir voru ekkert að yfirspila okkur, þeir bara refsuðu okkur. Seinni hálfleikur byrjaði bara ágætlega, við vorum að spila ágætlega en svo er þetta vonleysi í lokin sem gerir þetta ennþá verra."
,,Það er stundum ágætt að fá skellinn í stað þess að tapa eitthvað tæpt því að það sýnir leikmönnum hvar við erum staddir og hvað við þurfum að gera til að vinna okkur úr þessu."
Víkingar voru með nokkra mikilvæga menn utan hóps í dag, hvernig er staðan á þeim?
,,Þeir eru að vinna í sínum málum og koma kannski á næstu vikum. Það verður bara að koma í ljós hvernig ,,fitnessið" er á þeim líka. Meiðsli er eitt og fitness er annað."
Nánar er rætt við Bjarnólf í sjónvarpinu hér að ofan.
