„Ég er ekkert nema stoltur af liðinu og frammistöðunni," sagði Frank Lampard, stjóri Chelsea, eftir tap gegn Liverpool í vítaspyrnukeppni í kvöld.
Liverpool, sigurvegarar Meistaradeildarinnar á síðustu leiktíð, og Chelsea, sigurvegarar Evrópudeildarinnar, mættust í leiknum um Ofurbikar Evrópu.
Liverpool, sigurvegarar Meistaradeildarinnar á síðustu leiktíð, og Chelsea, sigurvegarar Evrópudeildarinnar, mættust í leiknum um Ofurbikar Evrópu.
Leikar enduðu 2-2 og það var Liverpool sem hafði betur eftir vítaspyrnukeppni.
„Þetta var erfiður leikur gegn góðu Liverpool-liði sem hafði meiri tíma til að jafna sig eftir helgina. Stundum snýst fótboltinn um heppni."
„Mason Mount og Tammy Abraham komu með aðra vídd í okkar leik og við vorum óheppnir að skora ekki. Tammy þarf að komast yfir þetta vegna þess að þetta er hluti af því að vera leikmaður á þessu stigi," sagði Lampard en Abraham var sá eini sem klikkaði á vítapunktinum í vítaspyrnukeppninni.
„Við erum með frábæra leikmenn, mjög góðan hóp. Ég er að reyna að koma því á framfæri hvernig ég vil spila. Það var margt mjög flott í kvöld."
„Við eigum þrjá leiki þangað til það er landsleikjahlé og við ætlum að reyna að vinna þá alla."
Athugasemdir