Noregur og Spánn gerðu 1-1 jafntefli í undankeppni Evrópumótsins í kvöld en jöfnunarmarkið kom í uppbótartíma síðari hálfleiks.
Í F-riðli gerðu Noregur og Spánn 1-1 jafntefli. Saul Niguez kom Spánverjum yfir í upphafi síðari hálfleiks en heimamenn jöfnuðu undir lokin.
Kepa Arrizabalaga, markvörður Spánar, ýtti þá Omar Elabdellaoui og vítaspyrna dæmd. Joshua King steig á punktinn og skoraði. Lokatölur 1-1.
Í sama riðli vann Svíþjóð lið Möltu, 4-0. Marcus Danielsson kom Svíum yfir áður en Sebastian Larsson skoraði úr vítaspyrnu. Emil Forsberg gerði þriðja markið áður en Larsson gerði annað mark sitt úr vítaspyrnu.
Spánn er á toppnum í riðlinum með 19 stig, fimm stigum meira en Svíþjóð sem er í 2. sæti.
Ítalía er þá búið að tryggja sæti sitt á EM eftir 2-0 sigur á Grikklandi. Jorginho skoraði úr vítaspyrnu og Federico Bernardeschi gerðu mörkin en Ítalía er nú í 1. sæti J-riðils með 21 stig. Finnland er í 2. sæti með 12 stig og Armenía í þriðja sæti með 10 stig eftir 1-1 jafntefli gegn Liechtenstein.
Úrslit og markaskorarar:
Liechtenstein 1 - 1 Armenía
0-1 Tigran Barseghyan ('19 )
1-1 Yanik Frick ('72 )
IÍtalía 2 - 0 Grikkland
1-0 Jorginho ('62 , víti)
2-0 Federico Bernardeschi ('78 )
Noregur 1 - 1 Spánn
0-1 Saul ('47 )
1-1 Joshua King ('90, víti )
Malta 0 - 4 Svíþjóð
0-1 Marcus Danielson ('11 )
0-2 Sebastian Larsson ('57 , víti)
0-3 Emil Forsberg ('66 )
0-4 Sebastian Larsson ('71 , víti)
Athugasemdir