Fótbolti.net

sun 04. janúar 2026 17:17

Ívan Guðjón Baldursson

Championship: Preston og Wrexham á blússandi siglingu

Mynd: Blackburn Rovers

Mynd: EPA

Mynd: Fótbolti.net - Hafliði Breiðfjörð

Leikir dagsins í Championship deildinni einkenndust af miklum kulda en nokkrum leikjum þurfti að fresta vegna slæmra vallaraðstæðna útaf miklu frosti.

Íslendingalið Blackburn Rovers og Preston North End mættu til leiks í dag en Andri Lucas Guðjohnsen og Stefán Teitur Þórðarson voru ekki með vegna meiðsla.

Blackburn lenti tveimur mörkum undir á heimavelli gegn Charlton Athletic þar sem Charlie Kelman skoraði tvennu með sex mínútna millibili.

Moussa Baradji minnkaði muninn skömmu síðar og gerði svo jöfnunarmark í síðari hálfleik, svo lokatölur urðu 2-2. Blackburn er með 28 stig eftir 25 umferðir, þremur stigum fyrir ofan fallsvæðið.

Preston vann í Bristol þar sem Lewis Dobbin og Alfie Devine skoruðu mörkin. Preston er í fjórða sæti, aðeins þremur stigum frá öðru sætinu með 43 stig eftir 26 leiki.

Preston er með jafn mörg stig og Millwall sem lagði velska félagið Swansea að velli en samlandar þeirra í Wrexham unnu sinn fjórða leik í röð.

Ben Brereton Díaz skoraði eitt mark í sigri Wrexham gegn Derby County og er þetta sögufræga lið komið með 40 stig, einu stigi frá umspilssæti.

Middlesbrough rúllaði þá yfir Southampton og er loksins komið aftur á sigurbraut eftir að hafa aðeins fengið eitt stig úr síðustu fjórum leikjum. Liðið er í öðru sæti með 46 stig, sex stigum á eftir toppliði Coventry sem tapaði fyrr í dag.

Stoke City vann að lokum Norwich City og er einu stigi frá umspilssæti eftir sigurinn.

Þess má geta að Benoný Breki Andrésson kom við sögu í 1-0 tapi Stockport County gegn Reading í League One deildinni. Benoný fékk að spila síðasta stundarfjórðunginn en hann hefur verið að glíma við meiðsli að undanförnu.

Blackburn 2 - 2 Charlton Athletic
0-1 Charlie Kelman ('28 )
0-2 Charlie Kelman ('34 , víti)
1-2 Moussa Baradji ('37 )
2-2 Moussa Baradji ('77 )

Bristol City 0 - 2 Preston NE
0-1 Lewis Dobbin ('8 )
0-2 Alfie Devine ('70 )

Derby County 1 - 2 Wrexham
0-1 Toby Samuel Smith ('25 )
1-1 Ben Brereton Diaz ('34 )
1-2 Matty James ('48 )

Millwall 2 - 1 Swansea
1-0 Mihailo Ivanovic ('38 )
1-1 Ben Cabango ('47 )
2-1 Caleb Taylor ('90 )

Middlesbrough 4 - 0 Southampton
1-0 Morgan Whittaker ('54 )
2-0 Sam Silvera ('61 )
3-0 Morgan Whittaker ('66 )
4-0 Alan Browne ('76 )

Norwich 0 - 2 Stoke City
0-1 Sam Gallagher ('75 )
0-2 Sorba Thomas ('82 )

		L	U	J	T	ms:	mf:	mun	Stig
1	Coventry	39	24	8	7	81	40	+41	80
2	Middlesbrough	39	20	11	8	59	37	+22	71
3	Ipswich Town	38	19	12	7	67	39	+28	69
4	Millwall	39	20	9	10	53	44	+9	69
5	Hull City	39	20	6	13	62	57	+5	66
6	Southampton	39	17	12	10	63	48	+15	63
7	Wrexham	39	17	12	10	60	51	+9	63
8	Derby County	39	17	9	13	56	48	+8	60
9	Watford	39	14	14	11	50	46	+4	56
10	Norwich	39	16	6	17	52	46	+6	54
11	Birmingham	39	14	11	14	48	49	-1	53
12	QPR	39	15	8	16	55	61	-6	53
13	Preston NE	39	13	13	13	45	49	-4	52
14	Swansea	39	15	7	17	44	49	-5	52
15	Stoke City	39	14	9	16	46	43	+3	51
16	Bristol City	39	14	9	16	49	50	-1	51
17	Sheffield Utd	39	15	5	19	54	54	0	50
18	Charlton Athletic	39	12	12	15	36	46	-10	48
19	Blackburn	39	11	10	18	36	49	-13	43
20	West Brom	39	11	10	18	40	54	-14	43
21	Portsmouth	38	10	10	18	37	54	-17	40
22	Leicester	39	11	12	16	51	60	-9	39
23	Oxford United	39	9	12	18	36	51	-15	39
24	Sheff Wed	39	1	9	29	24	79	-55	-6