Pepelu klúðraði vítaspyrnu fyrir Valencia snemma leiks og svaraði Borja Iglesias með tveimur mörkum sitthvoru megin við leikhléð.

Í stöðunni 2-0 tókst Pepelu að minnka muninn en það dugði ekki til. Þegar Valencia lagði meira púður í sóknarleikinn á lokakaflanum var þeim refsað með tveimur mörkum svo lokatölur urðu 4-1 eftir opinn og fjörugan slag.

Celta er í evrópubaráttunni með 26 stig eftir 18 umferðir, tíu stigum meira en Valencia sem er í fallbaráttu.

Ruben García og Gorka Guruzeta skoruðu svo mörkin í jafnteflisleik í Pamplona, þar sem García tók forystuna fyrir heimamenn í fyrri hálfleik en Guruzeta jafnaði í síðari hálfleik.

García skoraði í jöfnum fyrri hálfleik en gestirnir frá Athletic voru talsvert sterkari aðilinn í síðari hálfleik. Þeir komust nálægt því að gera sigurmark en tókst ekki svo lokatölur urðu 1-1.

Osasuna er í neðri hluta deildarinnar með 19 stig eftir 18 umferðir, fimm stigum á eftir Athletic.

Að lokum hafði Villarreal betur gegn Elche. Alberto Moleiro og Georges Mikautadze skoruðu snemma leiks en heimamenn náðu að minnka muninn fyrir leikhlé.

Leikurinn var nokkuð jafn en gestirnir nýttu færin sín betur og innsigluðu sigurinn í síðari hálfleik. Alfonso Pedraza skoraði á 83. mínútu.

Villarreal er í þriðja sæti með 38 stig eftir 17 umferðir, fjórum stigum á eftir Real Madrid og með leik til góða.

Villarreal er þar með komið aftur á sigurbraut eftir tap gegn toppliði Barcelona í síðustu umferð fyrir jólafrí.

Celta Vigo 4 - 1 Valencia
0-0 Pepelu ('7 , Misnotað víti)
1-0 Borja Iglesias ('33 , víti)
2-0 Borja Iglesias ('59 )
2-1 Pepelu ('70 )
3-1 Jones El-Abdellaoui ('83 )
4-1 Hugo Alvarez Antunez ('94 )

Osasuna 1 - 1 Athletic
1-0 Ruben Garcia ('34 )
1-1 Gorka Guruzeta ('71 )

Elche 1 - 3 Villarreal
0-1 Alberto Moleiro ('7 )
0-2 Georges Mikautadze ('13 )
1-2 Martim Neto ('30 )
1-3 Alfonso Pedraza ('83 )