Jón Dagur Þorsteinsson var á skotskónum þegar AGF lagði SönderjyskE í dönsku úrvalsdeildinni í dag.
Jón Dagur kom AGF á bragðið eftir sex mínútur er hann skoraði með mjög góðu skoti fyrir utan teig.
Hans fjórða mark í dönsku úrvalsdeildinni á þessu tímabili.
Íslendingavaktin birti myndband af markinu og má sjá það hér að neðan.
Jón Dagur er tvítugur U21 landsliðsmaður. Hann var inn í myndinni fyrir síðasta A-landsliðshóp eins og landsliðsþjálfarinn Erik Hamren sagði frá í viðtali við Fótbolta.net.
„Við vorum til dæmis með Jón Dag með okkur í Katar í janúar. Hann er líka mjög áhugaverður leikmaður. Hann var líka í huga mínum fyrir þessa leiki. Hann gæti orðið mjög góður leikmaður," sagði Hamren.
Glæsimark Jóns Dags. Hægt að horfa á það aftur og aftur🔥 pic.twitter.com/NShu52Xvxd
— Íslendingavaktin (@Islendingavakt) November 10, 2019
Athugasemdir