Belgíski leikmaðurinn Leandro Trossard er aðeins þriðji leikmaðurinn í sögunni til að skora þrennu á Anfield en það gerði hann í 3-3 jafnteflinu gegn Liverpool í ensku úrvalsdeildinni í dag.
Trossard kom Brighton í 2-0 með tveimur mörkum snemma leiks áður en Liverpool vann sig inn í leikinn.
Roberto Firmino skoraði tvívegis áður en Adam Webster kom boltanum í eigið net í síðari hálfleiknum.
Trossard fullkomnaði síðan þrennu sína og tryggði Brighton stig á Anfield.
Hann er aðeins þriðji leikmaðurinn til að skora þrennu á Anfield á eftir Andrei Arshavin og Peter Ndlovu. Arshavin gerði það í 4-4 jafntefli Arsenal og Liverpool árið 2009 en Ndlovu gerði það í 3-2 sigri Coventry á Liverpool tímabilið 1994-1995.
Leandro Trossard is the first player to score a Premier League hat-trick against Liverpool at Anfield since Andrey Arshavin in April 2009.
— HITC Sport (@HITCsport) October 1, 2022
The Roberto De Zerbi effect.#BHA | #Anfield pic.twitter.com/WODKP496Z4
Athugasemdir