Mislintat var áður yfirmaður fótboltamála hjá Arsenal en á ferli sínum hjá Lundúnafélaginu keypti hann átta leikmenn sem allir hafa yfirgefið félagið núna.

Mislintat og Jurgen Klopp, stjóri Liverpool, þekkjast vel en þeir unnu saman hjá Dortmund frá 2008-2015. Því hafa farið sögur af stað um að Mislintat sé að taka við sem yfirmaður fótboltamála hjá Liverpool en félagið er í leit að manni í það starf.

Christian Falk, yfirmaður fótboltaskrifa hjá þýska fjölmiðlinum Bild, segir hins vegar ekkert til í því að Mislintat sé á leið til Liverpool. Hann sé ekki á meðal aðila sem komi til greina í það starf.

Mislintat starfar í dag sem yfirmaður fótboltamála hjá Stuttgart í Þýskalandi.