Íslendingaliðin CSKA Moskva og Krasnodar misstigu sig í rússnesku Evrópubaráttunni þrátt fyrir að eiga bæði heimaleiki gegn liðum sem eru talin lakari.
Hörður Björgvin Magnússon lék allan leikinn í liði CSKA sem tapaði 0-1 fyrir Arsenal Tula. Arnór Sigurðsson fékk að spila síðasta stundarfjórðunginn.
Jón Guðni Fjóluson spilaði allan tímann í liði Krasnodar sem gerði markalaust jafntefli við fallbaráttulið Tambov.
Íslendingaliðin fengu fleiri og betri færi í báðum leikjunum en nýtingin var ekki góð.
CSKA er í fjórða sæti deildarinnar, með 33 stig eftir 18 umferðir. Krasnodar er í þriðja sæti, sem gefur þátttökurétt í undankeppni Meistaradeildarinnar, með einu stigi meira en CSKA.
CSKA Moskva 0 - 1 Arsenal Tula
0-1 Daniil Lesovoy ('52)
Krasnodar 0 - 0 Tambov
Athugasemdir
