Huddersfield Town, sem leikur í C-deildinni á Englandi, hefur rekið stjóra karlaliðsins, Lee Grant, eftir aðeins átta mánuði í starfi.
Grant tók við Huddersfield í maí og gerði þá þriggja ára samning við félagið eftir að hafa verið í þrjú ár í þjálfarateymi Ipswich Town.
Markmiðið var að koma Huddersfield aftur í ensku B-deildina og gerði félagið stórar breytingar á leikmannahópnum fyrir tímabilið sem fór mjög vel af stað.
Huddersfield vann fimm af fyrstu sjö deildarleikjum sínum en það hefur vantað stöðugleikann síðustu mánuði og situr liðið nú í 6. sæti, tíu stigum frá tveimur efstu sætunum.
Liðið tapaði fyrir Burton Albion, 3-1, um helgina og var Grant rekinn skömmu eftir leikinn.
Grant er sjöundi stjórinn sem fær sparkið í C-deildinni á þessari leiktíð.
Lee Grant has been relieved of his duties as Huddersfield Town Manager with immediate effect.
— Huddersfield Town (@htafc) January 17, 2026
Sporting Director Chris Markham will lead the recruitment process to appoint a successor for our Men’s First Team.#htafc
Athugasemdir
