Lucy Bronze, ein besta fótboltakona í heimi, gæti vel hugsað sér að þjálfa enska landsliðið í framtíðinni.
Hin 29 ára gamla Bronze, sem leikur með Manchester City, er ekki farin að hugsa um að hætta en hefur metnað fyrir því að gerast þjálfari í framtíðinni.
„Ég hef gaman að því að gefa fólki skipanir og stjórna," sagði Bronze við Talksport 2.
„Ég nýt þess að vera fyrirliði. Vonandi er langt í það að ég byrji að þjálfa, en ég væri til í að þjálfa England einn daginn og vinna titla af hliðarlínunni með Englandi. Það væri frábært."
„Við sjáum í framtíðinni hvar áhuginn liggur."
Athugasemdir