Íslendingarnir í liðunum byrjuðu þennan leik báðir; Theódór Elmar hjá Lamia og Sverrir Ingi hjá PAOK.

PAOK var sigurstranlegri aðilinn fyrir leikinn og þeir komust yfir á 14. mínútu leiksins. PAOK hefði getað tvöfaldað forystu sína fyrir leikhlé en þeir brenndu af vítaspyrnu.

Lamia tókst að jafna metin á 52. mínútu og það reyndist síðasta markið í leiknum, lokatölur 1-1.

Theódór Elmar var tekinn af velli þegar stundarfjórðungur var eftir af venjulegum leiktíma en Sverrir spilaði allan leikinn í vörn PAOK að venju.

Þetta var leikur í 8-liða úrslitum bikarsins og um var að ræða tveggja leikja einvígi. Þetta var seinni leikurinn en PAOK vann fyrri leikinn 5-2 og er því komið í undanúrslit.