Baldur Hannes Stefánsson
Eiríkur Þorsteinsson Blöndal
Baldur Hannes Stefánsson, fyrirliði Þróttar Reykjavíkur og Eiríkur Þorsteinsson Blöndal hafa báðir framlengt samninga sína við félagið en þetta kemur fram í tilkynningu frá Þrótti.
Baldur er fæddur árið 2002 og verið lykilmaður í liði Þróttar til margra ára.
Hann lék fyrstu leiki sína með meistaraflokki árið 2018 og nú eru þeir að nálgast 140 talsins.
Baldur hefur ekkert getað verið með Þrótturum í sumar vegna meiðsla en hann mun snúa aftur á næsta tímabili. Þróttarar tilkynntu á dögunum að miðjumaðurinn væri búinn að framlengja samning sinn út 2026.
Eiríkur, sem er fæddur árið 2001, hefur einnig framlengt samning sinn út 2026, en hann hefur gegnt hlutverki fyrirliða í fjarveru Baldurs.
Bakvörðurinn skipti yfir í Þrótt frá Breiðabliki árið 2021 og verið lykilmaður síðan. Á tíma hans þar hefur hann varla misst af leik og eru leikirnir nú fleiri en hundrað ef allar keppnir eru taldar með.
Þróttarar eru í 7. sæti Lengjudeildarinnar og hafa þegar tryggt áframhaldandi veru í deildinni.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 20 | 10 | 5 | 5 | 43 - 26 | +17 | 35 |
| 2. Keflavík | 21 | 9 | 8 | 4 | 33 - 24 | +9 | 35 |
| 3. Fjölnir | 20 | 9 | 7 | 4 | 32 - 24 | +8 | 34 |
| 4. Afturelding | 20 | 10 | 3 | 7 | 36 - 34 | +2 | 33 |
| 5. Njarðvík | 21 | 8 | 8 | 5 | 32 - 27 | +5 | 32 |
| 6. ÍR | 20 | 8 | 8 | 4 | 28 - 24 | +4 | 32 |
| 7. Þróttur R. | 20 | 7 | 6 | 7 | 30 - 26 | +4 | 27 |
| 8. Grindavík | 20 | 6 | 7 | 7 | 38 - 38 | 0 | 25 |
| 9. Leiknir R. | 20 | 7 | 3 | 10 | 29 - 31 | -2 | 24 |
| 10. Þór | 20 | 4 | 8 | 8 | 28 - 37 | -9 | 20 |
| 11. Grótta | 20 | 4 | 4 | 12 | 29 - 46 | -17 | 16 |
| 12. Dalvík/Reynir | 20 | 2 | 7 | 11 | 21 - 42 | -21 | 13 |
Athugasemdir
