Þeir klúðruðu því að láta ekki mark Luis Díaz standa en ranglega hafði verið flögguð rangstaða. Dómarasambandið hefur beðið Liverpool afsökunar og sagt að um mannleg mistök hafi verið að ræða.

Simon Hooper, sem var aðaldómari leiksins, verður VAR dómari um næstu helgi; í leik Everton og Bournemouth.

Liverpool hefur gert alvarlegar athugasemdir við dómgæsluna í leiknum á laugardag en Tottenham vann 2-1 sigur þar sem sigurmarkið kom seint í framlengingu.

Breska ríkisútvarpið segir að Liverpool hafi fengið í hendurnar upptöku af samskiptum dómaranna í atvikinu þegar mark Díaz var dæmt ólöglegt. Félagið muni nú taka þann tíma sem þarf til að fara yfir þær.