Potter: Gætum þurft að þjást áður en hlutirnir verða betri

Mynd: EPA

Graham Potter stjóri Chelsea segir að liðið gæti þurft að þjást áður en gengi liðsins verður betra. Chelsea hefur fallið niður í tíunda sæti úrvalsdeildarinnar eftir aðeins einn sigur í síðustu sjö deildarleikjum.

Einhverjar áhyggjuraddir hafa heyrst af þróun liðsins undir stjórn Potter en Chelsea tekur á móti Englandsmeisturum Manchester City á morgun.

„Ég hef bara verið hérna í fjóra mánuði og í hreinskilni finnst mér eins og tíminn hafi verið lengri. Við erum að fara að spila gegn Manchester City, einu besta liði heims og þetta verður öðruvísi verkefni en síðasti leikur," segir Potter en Chelsea gerði 1-1 jafntefli gegn Nottingham Forest á nýársdag.

„Ég vil ekki hljóma eins og það sé ásættanlegt að tapa, það er ekki þannig. En óhjákvæmilegur hluti af leiknum er að tapa stigum. Þú verður að þjást og verða betri. Þegar ég hugsa til baka um það hvernig ég komst á þennan stað þá hafa komið margir erfiðir tímar og bakslög."

„Við verðum sjálfir að spila vel á morgun, það er algjört lykilatriði. Svo þarf að skilja gæðin sem andstæðingar okkar hafa og reyna að koma í veg fyrir að þeir geti nýtt sér þá. Það hljómar kannski auðveldlega en er alls ekki eifalt. Við þurfum að nýta okkur það að vera á heimavelli og sjá hvað gerist," segir Potter.

Stöðutafla

#	Lið	L	mun	Stig
1	Man City	5	+8	15
2	Arsenal	5	+4	12
3	Brighton	5	+11	10
4	Brentford	5	+6	9
5	Leeds	5	+4	9
6	Liverpool	5	+3	9
7	Everton	5	+3	9
8	Hull City	5	+2	8
9	Newcastle	5	0	8
10	Chelsea	5	-2	7
11	Ipswich Town	5	-4	6
12	Man Utd	5	0	5
13	Nott. Forest	5	-1	5
14	Sunderland	5	-4	4
15	Crystal Palace	5	-5	4
16	Aston Villa	5	-5	4
17	Bournemouth	5	-2	3
18	Coventry	5	-9	3
19	Fulham	5	-3	2
20	Tottenham	5	-6	2