Torres er 20 ára gamall vængmaður en hann hefur spilað feykivel með Valencia síðustu þrjú árin.

Hann er uppalinn hjá Valencia en gengur nú til liðs við Manchester City á Englandi.

Viðræður hafa verið í gangi síðustu vikur og á dögunum náðu félögin saman um kaupverð. City kaupir hann á 23 milljónir punda en kaupverðið getur hækkað ef hann nær vissum áföngum. Hann gerir fimm ára samning við félagið.

Torres er fyrsti leikmaðurinn sem Man City kaupir í sumar en það má gera ráð fyrir því að Pep Guardiola styrki varnarlínuna einnig á næstu vikum.