Ari fann til í hnénu og Birnir veikur - „Búinn að vera drepast"
Ari að skora markið í kvöld
Mynd: Fótbolti.net - Hafliði Breiðfjörð
Ari að skora markið í kvöld
Mynd: Fótbolti.net - Hafliði Breiðfjörð
Víkingur vann 1-0 sigur á Lech Poznan frá Póllandi í fyrri leik liðanna á Víkingsvelli í forkeppni Sambandsdeildarinnar í kvöld.
Ari Sigurpálsson skoraði markið með glæsilegu skoti eftir langa sendingu frá Birni Snæ Ingasyni.
Þeir þurftu báðir að fara af velli snemma leiks en Birnir fór útaf strax í hálfleik á meðan Ari þurfti að fara af velli eftir tæplega 10 mínútna leik í síðari hálfleik.
„Birnir þurfti að fara útaf í hálfleik, hann var veikur. Hann gaf okkur góðar 45 mínútur, Ari fann aðeins til í hnénu og þurfti að fara útaf," sagði Arnar.
Ari lýsti meiðslunum í viðtali við Fótbolta.net eftir leikinn.
„Ég er búinn að vera drepast í hnénu í mánuð. Svo kem ég inn í hálfleik og er ekkert að pæla í þessu en kem svo inn í seinni hálfleikinn og er alveg að drepast, það er ekkert sniðugt að spila ekki heill þegar það er svona stórleikur," sagði Ari.
Hann vonast til að vera klár í síðari leikinn sem fram fer í Póllandi eftir slétta viku.
