Klara Mist, sem er tvítug, er alin upp hjá Stjörnunni en hefur þó spilað ellefu Lengjudeildarleiki og tvo Mjólkurbikarsleiki á láni hjá Fylki á síðustu tveimur árum.

Klara þekkir því leikmannahópinn hjá Fylki þokkalega vel, enda hefur hún spilað fleiri meistaraflokksleiki fyrir Árbæinga heldur en Garðbæinga. Hún á aðeins fimm deildarleiki að baki fyrir Stjörnuna.

Klara getur bæði spilað á miðju og í vörn og verður áhugavert að fylgjast með þróun hennar hjá Fylki.

Fylkir endaði í öðru sæti Lengjudeildarinnar í sumar og mun því spila ásamt Stjörnunni í Bestu deildinni á næsta ári.