Ítalska stórliðið Juventus er aftur undir smásjánni og gæti verið hluti af stórum íþróttaskandal á Ítalíu.
Félagið hefur gefið það út að salan á Cristiano Ronaldo til Manchester United í sumar sé til rannsóknar en grunur er á fölsku bókhaldi í Tórínó.
Það hefur verið gerð húsleit og ítölsk yfirvöld eru að fara yfir málin á Allianz leikvangnum þessa daganna.
Juventus samþykkti fjórtán milljón evra tilboð United í Ronaldo í sumar auk 8 milljónir evra til viðbótar í bónusgreiðslum.
Juventus skráði 14 milljóna evra tap á endurkomu Ronaldo til Englands og þá vöknuðu nokkrar spurningar til lífsins.
Juventus segist ekki hafa gert neitt rangt og er félagið í fullri samvinnu við rannsóknina.
Athugasemdir
