Það er liðinn heill mánuður síðan Ronaldinho var handtekinn og færður inn í fangelsi í Paragvæ fyrir að ferðast til landsins á fölsku vegabréfi.
Ronaldinho var í för með Roberto Assis, bróður sínum, sem var einnig handtekinn. Vegabréfin kostuðu bræðurna eina og hálfa milljón króna samanlagt.
Ekki sér fyrir lokin á fangelsisvist Ronaldinho en brasilísk yfirvöld hrintu víðamikilli rannsókn af stað eftir að stórstjarnan var handtekin.
Yfirvöld rannsökuðu manninn sem seldi Ronaldinho vegabréfin og tókst í kjölfarið að afhjúpa meiriháttar glæpastarfsemi sem hleypur á fleiri milljónum evra.
Fimmtán manns hafa verið handteknir síðustu vikur fyrir fölsun skilríkja, peningaþvætti og stórfelld skattsvik.
Ronaldinho fær ekki að yfirgefa fangelsið gegn tryggingu því yfirvöld í Paragvæ telja það geta haft áhrif á rannsókn málsins. Líklegt er því að hann og bróðir hans þurfi að dúsa í fangelsi næstu vikurnar meðan rannsóknin er enn í gangi.
Rannsóknin byggðist að miklu leyti á samstarfi Ronaldinho og Roberto við yfirvöld í Paragvæ. 18. mars afhentu þeir yfirvöldum símana sína og í kjölfarið fóru hjólin að snúast.
Ronaldinho fagnaði fertugsafmæli sínu í fangelsinu á dögunum og tók einnig þátt í fótboltamóti fyrstu helgina án frelsis.
Sjá einnig:
Ronaldinho veit ekki að hann framdi glæp, hann er flón"
Ronaldinho skoraði fimm og lagði lagði sex upp í úrslitaleiknum
Ronaldinho fagnar fertugsafmælinu á bak við lás og slá
Athugasemdir