Aleksander Ceferin, forseti UEFA, sendi jákvæð skilaboð til knattspyrnuheimsins í viðtali í Rússlandi.
Hann benti á að þó ástandið sé slæmt núna þá muni fótboltaheimurinn ná sér aftur að fullu. Það mun taka tíma en það hefur gerst áður.
„Við munum sigrast á kórónuveirunni. Knattspyrna er gerð úr jákvæðri orku og heimurinn getur ekki talist eðlilegur fyrr en fótboltinn fer aftur af stað," sagði Ceferin.
„Fótbolti mun breytast, en bara í smá tíma. Fótbolti hefur gengið í gegnum ýmis stríð og faraldra í fortíðinni.
„Gamli góði fótboltinn mun snúa aftur um leið og hægt er."
Athugasemdir