Útför Andre Silva og Diogo Jota fór fram í dag
Diogo Jota, leikmaður Liverpool, og bróðir hans Andre Silva voru bornir til grafar í Gondomar, heimabæ þeirra í Portúgal í dag.
Diogo og Andre létu lífið í hræðilegu bílslysi aðfaranótt fimmtudags á Spáni en Liverpool-maðurinn var á leið aftur til Englands að hefja undirbúningstímabilið með Liverpool.
Allur fótboltaheimurinn lamaðist þegar fréttirnar bárust, enda mjög óvanalegt að leikmaður af þessari stærðargráðu deyr í blóma lífsins en tveimur vikum áður hafði hann gifst æskuástinni og spenntur að fara meiðslalaus inn í nýtt tímabil.
Útför þeirra bræðra fór fram í Gondomar í Portúgal og var Liverpool-hópurinn mættur til þess að syrgja vin og liðsfélaga. Einnig voru liðsfélagar Jota úr portúgalska landsliðinu viðstaddir ásamt mörgum öðrum þekktum nöfnum úr fótboltaheiminum.
Andy Robertson, sem var mjög náinn Jota, og Virgil van Dijk, fyrirliði Liverpool, báru sérstakan rauðan krans sem var með númerum bræðranna, 20 og 30. Stærstur hluti Liverpool-hópsins var mættur ásamt mörgum fyrrum leikmönnum félagsins á borð við Jordan Henderson, sem var fyrirliði liðsins til átta ára, og James Milner.
Ruben Neves, leikmaður Al-Hilal, og jafnframt besti vinur Jota, var kistuberi en aðeins 13 tímum áður spilaði hann með liði sínu í 8-liða úrslitum HM félagsliða sem er haldið í Bandaríkjunum.
Útförin, sem stóð yfir í rúman klukkutíma, var afar sorgleg en á sama tíma falleg.
Íbúar Igreja de Matriz fengu einnig tækifæri til að syrgja þá bræður en hátalarakerfi var komið fyrir og beint hljóðstreymi ómaði yfir bæinn.
Hvíl í friði, Andre og Diogo.
Teammates were alongside friends and family at the funeral of Diogo Jota and Andre Silva on Saturday.
— B/R Football (@brfootball) July 5, 2025
Ruben Neves was a coffin bearer, after playing for Al-Hilal in the Club World Cup in Florida on Friday. pic.twitter.com/iR5Y5CFneY
Diogo Jota and André Silva, Rest In Peace.
— Catholic Sat (@CatholicSat) July 5, 2025
Emotional scenes as Pie Jesu is drowned out by the tolling of the bells of the Parish Church of São Cosme e São Damião in Gondomar, as the coffins of the brothers are taken in procession to the cemetery where they will be laid to rest. pic.twitter.com/qTiseuxjay
Athugasemdir
