Umboðsteymi Callum Hudson-Odoi er statt í Aþenu þessa dagana þar sem viðræður við stjórnendur Nottingham Forest fara fram.
Hudson-Odoi er aðeins með eitt ár eftir af samningi sínum við Forest og eru ýmis félög bæði á Englandi og Ítalíu sem hafa sýnt leikmanninum áhuga undanfarnar vikur.
Sky Sports greinir frá því að viðræðunum miðar vel áfram en Hudson-Odoi er 24 ára kantmaður sem kom að 8 mörkum í 36 leikjum með Forest á síðustu leiktíð.
Leikmaðurinn hefur leikið fyrir Nottingham í tvö ár og er í heildina búinn að skora 13 mörk í 57 úrvalsdeildarleikjum fyrir félagið.
Hann gæti reynst mikilvægur fyrir liðið á komandi tímabili þar sem Forest mun leika í Evrópukeppni í fyrsta sinn í 30 ár.
Athugasemdir
