Fluminense 2 - 1 Al-Hilal
1-0 Martinelli ('40)
1-1 Marcos Leonardo ('51)
2-1 Hércules ('70)
1-0 Martinelli ('40)
1-1 Marcos Leonardo ('51)
2-1 Hércules ('70)
Fluminense og Al-Hilal áttust við í 8-liða úrslitum heimsmeistaramóts félagsliða í kvöld og úr varð spennandi slagur.
Fyrri hálfleikurinn var afar jafn og tíðindalítill en Martinelli tókst þó að koma boltanum í netið með einu marktilraun Fluminense sem rataði á rammann. Martinelli fékk boltann úti í vítateignum og náði að fara framhjá andstæðingi áður en hann lét vaða með vinstri, sem er veikari fótur hans. Boltinn rataði þó undir samskeytin þar sem Yassine Bounou markvörður Al-Hilal náði ekki til hans.
Marcos Leonardo, einn Brasilíumanna í liði Al-Hilal, jafnaði metin í upphafi síðari hálfleiks eftir góða sendingu með skalla frá Kalidou Koulibaly.
Leikurinn var áfram afar jafn en Brasilíumennirnir fengu hættulegri færi. German Cano klúðraði algjöru dauðafæri áður en honum var skipt af velli, en skömmu síðar tók Hércules til sinna ráða. Hércules kom inn af bekknum í hálfleik fyrir markaskorarann Martinelli og gerði vel að setja boltann í netið á 70. mínútu til að endurheimta forystu Fluminense.
Al-Hilal lagði allt í sóknarleikinn á lokamínútunum en tókst ekki að komast framhjá skipulögðum varnarmúr Fluminense svo lokatölur urðu 2-1.
Thiago Silva og félagar mæta annað hvort Chelsea eða Palmeiras í undanúrslitum heimsmeistaramótsins.
Athugasemdir
