Nýliðar Sunderland eru að ganga frá kaupum á marokkóska vængmanninum Chemsdine Talbi frá belgíska félaginu Club Brugge en þetta fullyrðir blaðamaðurinn Sacha Tavolieri í dag.
Tavolieri segir að Sunderlandi hafi náð saman með Brugge um kaup og sölu á Talbi.
Hann mun kosta 23 milljónir evra og er þessa stundina í læknisskoðun hjá Sunderland.
Félögin eru að ganga frá öllum helstu smáatriðum áður en hann verður kynntur hjá enska félaginu.
Talbi er tvítugur vængmaður sem hefur spilað 52 leiki og skorað 6 mörk fyrir Club Brugge.
Hann er fæddur og uppalinn í Belgíu, en er af marokkóskum uppruna. Talbi spilaði með yngri landsliðum Belgíu, en tók ákvörðun í mars á þessu ári um að spila fyrir A-landslið Marokkó.
Athugasemdir
