Ismaila Sarr.
Manchester United mun ekki gera tilboð í Ismaila Sarr, vængmann Watford, í dag. Íþróttafréttamaðurinn David McDonnell hjá Mirror segir að þetta hafi hann frá sínum heimildarmanni á Old Trafford.
United hefur verið að skoða kosti í stöðunni eftir að vonirnar um að fá Jadon Sancho frá Borussia Dortmund urðu að engu.
United hefur verið að skoða kosti í stöðunni eftir að vonirnar um að fá Jadon Sancho frá Borussia Dortmund urðu að engu.
Watford hefur víst sett 45 milljóna punda verðmiða á hinn 22 ára Sarr en United hafði bara áhuga á að fá hann á lánssamningi.
Sarr er 22 ára senegalskur landsliðsmaður sem kom til Watford frá Rennes á síðasta ári.
Í dag er gluggadagurinn en United gæti þó haldið áfram að reyna við Sarr því glugginn milli enskra félaga er opinn til 16. október. Hann yrði þó ekki löglegur í Meistaradeildinni fyrir áramót ef skiptin eru ekki frágengin á morgun.
Athugasemdir
