Það fóru af stað háværar sögur um að Steve Cooper yrði látinn fara frá Nottingham Forest eftir slæmt tap gegn Leicester síðasta mánudagskvöld.
Það var haldinn krísufundur hjá stjórnarmönnum Forest í vikunni og var tekin ákvörðun eftir þann fund að Cooper myndi halda áfram.
Cooper náði frábærum árangri með því að stýra Forest upp í efstu deildina á síðasta tímabili, en liðið er í deild þeirra bestu í fyrsta sinn í 23 ár. Liðið var á botni Championship-deildarinnar þegar hann tók við í september 2021.
Forest verslaði mikið í sumar en er sem stendur á botni ensku úrvalsdeildarinnar með fjögur stig eftir átta leiki.
Samkvæmt heimildum Telegraph þá ætlar Evangelos Marinakis, eigandi Forest, að sýna Cooper traust áfram en hann ætlar að laga aðeins til á bak við tjöldin. Ítalinn Filippo Giraldi er í viðræðum við Forest um að koma inn sem yfirmaður fótboltamála hjá félaginu. Hann starfaði áður fyrir Watford.
Næsti leikur Forest er gegn Aston Villa á mánudagskvöld.
Athugasemdir