Arnþór Ingi Kristinsson, sem nýlega samdi við KR, verður frá næstu tvo til þrjá mánuði vegna meiðsla en hann sleit liðband í ökkla undir lok síðasta tímabils.
Arnþór er 28 ára gamall miðjumaður en hann samdi við KR eftir að hafa verið lykilmaður í liði Víkings síðustu ár.
Hann meiddist á ökkla í 4-0 tapi gegn Keflavík í næst síðustu umferð Pepsi-deildarinnar og hefur hann verið frá síðan.
Það er ljóst að hann verður frá fram í febrúar eða mars en hann sleit liðband í ökkla.
Ef allt gengur að óskum í endurhæfingunni þá ætti hann að verða klár í að spila með KR-ingum í Lengjubikarnum.
Hann á að baki 78 leiki og 10 mörk í Pepsi-deildinni.
Athugasemdir