Elías Már Ómarsson skoraði tvö mörk er Excelsior vann MVV Maastricht 3-0 í hollensku B-deildinni í kvöld. Hann hefur verið frábær með liðinu á leiktíðinni og skorað níu mörk eftir áramót.
Elías Már gekk til liðs við Excelsior frá Gautaborg sumarið 2018 en hann skoraði sjö mörk í hollensku úrvalsdeildinni á síðasta tímabili er liðið féll.
Hann hefur verið frábær með liðinu seinni hluta leiktíðarinnar og skorað níu mörk á þessu ári.
Hann gerði tvö mörk í 3-0 sigri liðsins í kvöld og er því kominn með ellefu mörk í heildina á tímabilinu auk þess sem hann hefur lagt upp fjögur.
Elías lék allan leikinn en hann gerði fyrsta mark liðsins á 64. mínútu áður en Rai Vloet bætti við öðru. Elías gerði svo þriðja markið fjórum mínútum síðar.
Excelsior er í sjöunda sæti deildarinnar og er að berjast um umspilssæti.
Athugasemdir