Enska úrvalsdeildin er farin aftur á fulla ferð, við mikla kátínu margra. Manchester City steig enn eitt skrefið í átt að Englandsmeistaratitlinum með því að vinna Leicester 2-0, Arsenal átti engin svör gegn ríkjandi meisturum og tapaði 3-0 gegn Liverpool og Manchester United vann Brighton eftir að hafa lent undir.
West Bromwich Albion vann áhugaverðan 5-2 útisigur gegn Chelsea, Newcastle náði stigi gegn Tottenham og Everton gerði jafntefli við Crystal Palace. Þá fögnuðu Leeds, West Ham og Southampton sigrum.
Garth Crooks hjá BBC hefur valið úrvalslið vikunnar.
West Bromwich Albion vann áhugaverðan 5-2 útisigur gegn Chelsea, Newcastle náði stigi gegn Tottenham og Everton gerði jafntefli við Crystal Palace. Þá fögnuðu Leeds, West Ham og Southampton sigrum.
Garth Crooks hjá BBC hefur valið úrvalslið vikunnar.
Markvörður - Alisson (Liverpool): Brassinn var öryggið uppmálað og fullur sjálfstrausts. Þá hefur hann líka framlengt mottumars!
Vörn - Trent Alexander-Arnold (Liverpool): Hefur átt erfitt tímabil en sýndi sparihliðarnar gegn Arsenal.
Vörn - Cheikhou Kouyate (Crystal Palace): Senegalinn átti stóran þátt í því að Palace náði í verðskuldað stig.
Vörn - Benjamin Mendy (Manchester City): Leit út eins og Aguero þegar hann kláraði færi sitt gegn Leicester og skoraði.
Miðja - Matheus Pereira (West Brom): Skoraði tvö mörk og var maður leiksins í sigrinum ótrúlega gegn Chelsea.
Miðja - Kevin de Bruyne (Manchester City): Sköpunarmáttur hans og gæði fengu enn einu sinni að njóta sín
Miðja - Jesse Lingard (West Ham): Lánsmaðurinn frá Man Utd hélt sýningu gegn Úlfunum. Mark og tvær stoðsendingar.
Miðja - Callum Robinson (West Brom): Hjólin byrjuðu að snúast þegar hann kom inná. Af hverju byrjaði hann á bekknum?
Sókn - Danny Ings (Southampton): Mætti aftur úr meiðslum og var flugbeittur í endurkomusigri gegn Burnley. Geggjuð stoðsending og snilldarmark frá honum.
Sókn - Diogo Jota (Liverpool): Hefur heldur betur látið að sér kveða síðan hann kom til Liverpool. Skoraði tvö gegn Arsenal.
Athugasemdir