Amador Suarez Villa, sem var varaforseti Real Madrid undir leiðsögn Ramon Calderon frá 2006 til 2009, er látinn.
Hann fékk kórónuveiruna og var á spítala í fjörutíu daga áður en hann lést.
Undir hans tíð í stjórn Real vann félagið spænsku deildina tvisvar sinnum.
Villa lést 76 ára gamall en fyrir sautján árum hlaut hann verðlaun fyrir að vera athafnamaður ársins í Huelva. Hann átti fiskvinnslufyrirtæki með bækistöðvar víða um heim.
Lorenzo Sanz, forseti Real frá 1995 til 2000, lést af völdum kórónuveirunnar í mars.
Athugasemdir