Garnacho er 18 ára gamall og kom til United frá Atlético Madríd fyrir tveimur árum.

Hann vann FA-bikarinn með unglingaliði United á síðustu leiktíð og kom við sögu í tveimur leikjum í úrvalsdeildinni með enska félaginu en hann gæti fengið fleiri sénsa á þessu tímabili.

Hallgrímur og Hrannar eru gríðarlega spenntir fyrir honum og vonast til að hann verði í byrjunarliðinu gegn Brighton á sunnudag.

„Ég væri til að sjá Garnacho vinstra megin og Sancho hægra megin því ég held að hann sé ekkert síðri en Elanga," sagði Hallgrímur.

„Hann er með töluverða tækni og eldfljótur. Maður sá á Elanga í fyrra að hann er ekkert bilað teknískur þó hann sé með klikkaðan hraða en hann er hrár,"

„Hann er 'direct' og hleypur endalaust en það sem ég er búinn að sjá af Garnacho á þessu undirbúningstímabili án þess að fara framúr mér þá líst mér hrikalega vel á hann. Næstu árin gæti hann orðið geggjaður leikmaður ef hann hagar sér eins og maður," bætti Hrannar við.

„Ég held að ég hafi ekki verið svona spenntur fyrir svona ungum leikmanni í Manchester síðan Ronaldo var. Mér finnst hann 'actually' vera það mikið talent. Ég er samt ekki að líkja honum við Ronaldo." sagði Hallgrímur.

„Ég veit að þetta er bara æfingaleikur á móti Rayo Vallecano en hann er stútfullur af sjálfstrausti. Það skemmir ekki fyrir að hann er Argentínumaður og kallar Ronaldo geitina í nánast hverjum einasta 'post' á Instagram. Manni líkar ekkert verr við hann útaf því."

„Mér finnst ótrúlegt ef hann fær ekki helling af sénsum í vetur," sagði Hrannar í lokin.