Liverpool vann Meistaradeildina 2019 og Englandsmeistaratitilinn í fyrra. Liðið spilaði frábæran fótbolta og virtist á ákveðnum augnablikum vera óstöðvandi. Á þessu tímabili hefur ekki mikið gengið upp; leikmenn hafa meiðst, það hefur lítill taktur verið í liðinu og úrslitin hafa ekki verið góð.

Jamie Carragher, fyrrum leikmaður Liverpool sem núna starfar fyrir Sky Sports, segir að Liverpool séu ekki lengur skrímsli heldur dvergar.

„Jurgen Klopp kallaði lið sitt 'hugarfars skrímsli' (e. mentality monsters) og það var hárrétt á þeim tíma. En akkúrat núna eru þeir 'hugarfars dvergar'. Þetta lið hefur bara ekki tekið vel á mótlætinu þessa síðustu fjóra mánuði," sagði Carragher og bætti við:

„Það er bara ekki ásættanlegt hjá Liverpool."