Hertha Berlín og Stuttgart áfram í bikarnum - Dortmund úr leik

Stuttgart lagði Dortmund að velli, 2-0. Markamaskínan Serhou Guirassy skoraði fyrra mark Stuttgart á 55. mínútu eftir laglega stungusendingu Enzo Millot.

Jamie Bynoe-Gittens taldi sig hafa jafnað metin fyrir Dortmund fimm mínútum eftir mark Stuttgart, en hann var rétt fyrir innan og markið því dæmt af.

Annað mark Stuttgart var keimlíkt fyrra markinu. Aftur sótti Stuttgart vinstra megin og í átt að teignum. Max Mittelstadt laumaði boltanum inn fyrir á Silas sem lagði boltann framhjá Gregor Kobel og í netið.

Stuttgart komið áfram í 8-liða úrslit og tekur Herthu Berlín með sér sem vann frækinn sigur á Hamburger SV í vítakeppni. Staðan var 3-3 eftir framlengingu þar sem fyrrum Everton-maðurinn Jonjoe Kenny jafnaði fyrir Herthu á síðustu mínútu framlengingar.

Hertha skoraði úr öllum vítaspyrnum sínum á meðan Ransford-Yeboah Konigsdorffer var skúrkurinn í liði Hamburger.

Liðin í 8-liða úrslitum:
Bayer Leverkusen
Borussia Mönchengladbach
Fortuna Düsseldorf
Hertha Berlín
Kaiserslautern
Saarbrucken
St. Pauli
Stuttgart