Kolbeinn fékk mínútur í dag
Kolbeinn Sigþórsson kom inná sem varamaður þegar að Íslenska landsliðið sigraði Albaníu 1-0 á Laugardalsvelli í dag. Kolbeinn hefur lítið spilað undanfarin þrjú ár vegna meiðsla og fékk frábærar mótökur.
„Það var náttúrulega bara æðislegt að fá þessar mótökur. Ég elska að spila fyrir Ísland og maður fær bara fiðring." sagði Kolbeinn eftir leikinn í dag.
„Það var náttúrulega bara æðislegt að fá þessar mótökur. Ég elska að spila fyrir Ísland og maður fær bara fiðring." sagði Kolbeinn eftir leikinn í dag.
Lestu um leikinn: Ísland 1 - 0 Albanía
Eins og fyrr segir hefur Kolbeinn meira en minna verið frá eftir Evrópumótið 2016 en hann var einnig í landsliðshópi Íslands í nóvember síðastliðinn. Hann segist finna mikin mun á sér síðan þá.
„Ég fann það greinilega að ég er kominn miklu lengra sem að gefur mér ákveðið sjáfstraust. Ég þarf mínútur þar sem að ég hef ekki spilað heilan leik í ég veit ekki hvað langan tíma. En þetta eru jákvæð skref og ég byggi ofan á þetta."
Ísland er með sex stig eftir þrjá leiki í undanriðlinum og framundan er mikilvægur leikur gegn Tyrklandi næstkomandi þriðjudag.
„Þetta verður fáránlega mikilvægur leikur og þetta gefur liðinu sjálfstraust að ná í þrjú stig í dag. Tyrkir eru með gott lið en við höfum spilað vel á móti þeim þannig að það er bara að halda því áfram og ná í þessi þrjú stig." sagði Kolbeinn að lokum.
Nánar er rætt við Kolbein í spilaranum að ofan.
Athugasemdir
