Marek Hamsik verður ekki áfram leikmaður Gautaborg í Svíþjóð, hann er á förum frá félaginu.
Miðjumaðurinn með hanakambinn mun flytja til Tyrklands þegar vegferð Slóvakíu á EM lýkur. Hann er búinn að skrifa undir samning við Trabzonspor.
Það vakti mikla athygli þegar Hamsik skrifaði undir samning við sænska félagið Gautaborg í mars.
Hamsik er 33 ára gamall miðjumaður en hann er þekktastur fyrir tíma sinn hjá Napoli frá 2007 til 2019. Hamsik er landsliðsmaður Slóvakíu og skoraði 100 mörk í 408 deildarleikjum fyrir Napoli.
Hann mátti fara frítt frá Svíþjóð í sumar og skrifar hann undir tveggja ára samning við Trabzonspor.
Kolbeinn Sigþórsson var liðsfélagi Hamsik í Gautaborg.
Athugasemdir