Landsliðsmaðurinn Birkir Bjarnason kom inn á sem varamaður þegar Brescia gerði dramatískt jafntefli á útivelli gegn Lecce.
Hólmbert Aron Friðjónsson var ónotaður varamaður en hann er að komast af stað eftir meiðsli sem hann varð fyrir í Noregi þegar hann var á mála hjá Álasundi.
Birkir kom inn á þegar 81 mínúta var liðin af leiknum. Þá var staðan 2-1 en Brescia tókst að jafna metin á 93. mínútu leiksins.
Brescia er í 13. sæti deildarinnar, níu stigum frá umspilssæti.
Hitt Íslendingalið deildarinnar, Venezia frá Feneyjum, vann 3-1 sigur gegn Cremonese. Enginn Íslendingur var með liðinu í kvöld en þrír eru á mála hjá félaginu; Bjarki Steinn Bjarkason, Jakob Franz Pálsson og Óttar Magnús Karlsson.
Venezia er sem stendur í sjöunda sæti deildarinnar, en það er umspilssæti.
Athugasemdir