Hin 34 ára gamla Cristiane varð í dag elsti leikmaður í sögu HM til að skora þrennu í sama leik.

Cristiane gerði öll mörk leiksins er Brasilía lagði Jamaíku að velli. Andressa lagði fyrstu tvö mörkin upp og klúðraði vítaspyrnu.

Brasilía var betri aðilinn allan leikinn eins og við mátti búast en leikmenn Jamaíku lögðu allt í sölurnar og komust nokkrum sinnum nálægt því að skora.

Þetta var lífleg frammistaða hjá Jamaíku sem var ansi óheppið með riðil. Ástralía og Ítalía eru einnig í riðlinum.