Mason Mount, leikmaður Chelsea á Englandi, lék sinn fyrsta landsleik fyrir A-landslið Englands í 4-0 sigrinum á Búlgaríu á dögunum en hann spilaði þar með æskuvini sínum.
Mount er aðeins 20 ára gamall en hefur verið að heilla undir stjórn Frank Lampard hjá Chelsea.
Chelsea er í félagaskiptabanni og gat því félagið loksins nýtt ungu og efnilegu leikmennina í liðinu en Mount hefur sýnt það góð tilþrif að hann var kallaður í enska landsliðið.
Í landsliðinu er Declan Rice, leikmaður West Ham og æskuvinur Mount, en þeir spiluðu saman gegn Búlgaríu.
„Við höfum augljóslega þekkst í mjög, mjög langan tíma og töluðum alltaf um það tækifæri að fá að spila aftur saman. Það gerðist gegn Búlgaríu, þannig ég hljóp til hans og sagði við hann bara - „Vel gert, við erum mættir aftur á völlinn saman", þannig ég er mjög spenntur fyrir framtíðinni," sagði Mount.
Mason Mount makes his first senior appearance for England, playing in midfield alongside one of his childhood friends.
— Squawka Football (@Squawka) September 7, 2019
They both made it. 💪 pic.twitter.com/y9ESubMc05
Athugasemdir