Chelsea er að landa Joao Felix á láni frá Atletico Madrid en félagið er ekki hætt á markaðnum.
Fréttamaðurinn Simon Phillips segir frá því að Chelsea sé núna að ræða við umboðsmann bakvarðarins Pedro Porro um möguleg félagaskipti.
Porro verður ekki seldur nema riftunarákvæði í samningi hans hjá Sporting Lissabon verði virkt. Riftunarákvæðið hljóðar upp á 40 milljónir evra.
Porro hefur verið sterklega orðaður við Tottenham en Chelsea er að blanda sér í baráttuna um hann.
Porro gekk í raðir Sporting frá Manchester City síðasta sumar. Kostaði hann þá um 7 milljónir punda, en hann verður mun dýrari ef hann fer í janúarglugganum.
Athugasemdir