Pálmi Rafn.
Ingvar jónsson.
Kom til Víkings frá Wolves fyrir tímabilið í fyrra.
Ingvar Jónsson, aðalmarkmaður Víkings, glímir við kálfameiðsli og gat því ekki spilað með Víkingum gegn Aftureldingu í gærkvöldi. Í markinu stóð Pálmi Rafn Arinbjörnsson og stóð sig vel.
„Ég veit ekki hvenær það er von á Ingvari aftur, held þetta sé ekki alvarlegt, en við eigum eftir að sjá til með það. Þessi kálfameiðsli geta oft verið leiðinleg. Pálmi átti hrikalega flottan leik í dag, gerði virkilega vel. Ég er mjög sáttur með innkomu hans. Það sýnir styrk þessa hóps, kemur bara maður í manns stað og Pálmi gerði það virkilega vel í dag," sagði Sölvi Geir Ottesen, þjálfari Víkings, við Fótbolta.net eftir leikinn.
„Ég veit ekki hvenær það er von á Ingvari aftur, held þetta sé ekki alvarlegt, en við eigum eftir að sjá til með það. Þessi kálfameiðsli geta oft verið leiðinleg. Pálmi átti hrikalega flottan leik í dag, gerði virkilega vel. Ég er mjög sáttur með innkomu hans. Það sýnir styrk þessa hóps, kemur bara maður í manns stað og Pálmi gerði það virkilega vel í dag," sagði Sölvi Geir Ottesen, þjálfari Víkings, við Fótbolta.net eftir leikinn.
Lestu um leikinn: Víkingur R. 2 - 1 Afturelding
Sölvi ræddi um Pálma í viðtali við mbl.is eftir leikinn.
„Hann er með gæði og við sáum að hann er öruggur í löppunum og uppspilið okkar var bara mjög flott í dag og það er honum að þakka líka. Hann er líka rosalega góður og fljótur að koma út úr markinu og loka markinu vel."
„Hann er búinn að lenda í miklu mótlæti, hann hefur fengið á sig mörk sem hafa kannski litið illa út og fengið að heyra það í sjónvarpinu hjá sérfræðingum og svona, en hann sýndi mikinn styrk að mæta hérna til leiks með kassann úti tilbúinn að gleyma því, horfa fram á veginn og gera vel.”
Umræða í Innkastinu
Undir lok leiks í gær hjálpaði Pálmi sínu liði að sigla sigrinum heim. Rætt var um hann í Innkastinu þar sem umferðin var gerði upp.
„Afturelding hefði vel getað jafnað leikinn í uppbótartíma, fengu svo sannarlega færi til þess, en Pálmi Rafn bjargaði þá í markinu," sagði Elvar Geir.
„Gengið með Pálma í markinu hefur bara verið lélegt, það voru gerðar fréttir um það í fyrra og meira að segja halda því sumir fram að Víkingur væri Íslandsmeistari ef Arnar (Gunnlaugsson) hefði ekki verið að flakka á milli markmanna í fyrra. Fyrir Pálma er rosalega sterkt að verja í lokin og tryggja þeim þrjú stig. Vonandi fyrir Víkinga fær hann smá sjálfstraust því Pálmi er ekki lélegur markmaður," sagði Valur Gunnarsson.
Næsti leikur Víkings er útileikur gegn ÍBV í deildinni og svo eftir tæpar tvær vikur, 10. júlí, fer fram fyrri leikur liðsins gegn FC Malisheva í 1. umferð forkeppninnar í Sambandsdeildinni.
Athugasemdir
