„Það er skemmtilegra að vinna fótboltaleiki en að tapa þeim og það er alveg ljóst." sagði Óskar Hrafn Þorvaldsson þjálfari KR eftir sigur á FH í Bestu deild karla í kvöld.
Lestu um leikinn: KR 3 - 2 FH
„Það hefur verið karaktereinkenni liðsins, mönnum er ekki sama. Menn hætta aldrei og svo lendum við í því síðustu tuttugu mínúturnar á móti Val að leggja bara niður störf, hættum og maður vonaði að það væri undantekningin sem sannaði regluna og í dag héldum við áfram alveg þangað til það var flautað af."
FH byrjaði í fimm manna varnarlínu og það kom KR og Óskari Hrafn á óvart
„Þeir komu okkur á óvart með fimm manna vörninni og það tók okkur smá tíma að fatta hvernig og muna hvernig átti að spila á móti Vestra þegar þeir mættu með hana en ég ætla að segja bara mjög flott frammistaða í kvöld vegna þess að á móti liðum sem liggja látt þá er þetta ekki alltaf spurning um að skapa sér tíu færi á fyrstu 20,30 eða 40 mínútunum."
Viðtalið við Óskar Hrafn má sjá í heild sinni hér að ofan.
