Fjölmiðlamenn ræddu við valda leikmenn á hóteli landsliðsins í dag.
Það má segja að veðrið hafi verið alls konar í Sviss í dag; eiginlega bara íslenskt veður. Stelpurnar okkar í íslenska landsliðinu eru hér að taka þátt á EM en hótel þeirra er í Gunten, rétt hjá Thun.
Fjölmiðlar fengu að heimsækja hótelið í fyrsta sinn í dag og taka þar viðtöl við valda leikmenn.
Ekki var hægt að taka viðtölin í garðinum við hótelið þar sem veður leyfði það ekki.
Fjölmiðlar fengu að heimsækja hótelið í fyrsta sinn í dag og taka þar viðtöl við valda leikmenn.
Ekki var hægt að taka viðtölin í garðinum við hótelið þar sem veður leyfði það ekki.
Fjölmiðlamenn yfirgáfu Thun í sól og rúmlega 30 stiga hita en þegar komið var til Gunten var veðrið mikið breytt. Það var allt í einu komin grenjandi rigning og þrumuveður. Líklega í fyrsta sinn var manni smá kalt í þessari ferð.
Það er núna alvarleg viðvörun um þrumuveður í Thun. En á miðvikudag, þegar stelpurnar okkar spila fyrsta leik sinn á EM gegn Finnlandi, verður appelsínugul viðvörun vegna hita og er búist við um 32 stiga hita daginn sem leikurinn verður.
Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
