ÍA vann kærkominn sigur gegn Vestra í dag eftir þrjá tapleiki í röð. Gísli Laxdal Unnarsson skoraði markið sem innsiglaði sigurinn.
Lestu um leikinn: Vestri 0 - 2 ÍA
„Hann er ekki búinn að breyta miklu. Hann kom með sínar áherslur, hvernig við ætluðum að spila á móti Vestra og það heppnaðist mjög vel í dag. Flottur sigur," sagði Gísli Laxdal aðspurður hverju Lárus Orri Sigurðsson hafi breytt en þetta var fyrsti leikurinn þar sem hann var á hliðarlinunni.
Hvaða þýðingu hefur þessi sigur fyrir ykkur?
„Þetta eru bara þrjú stig, við erum ennþá á okkar vegferð og ætlum að safna fleiri stigum. Það er bara næsti leikur um næstu helgi," sagði Gísli Laxdal.
Gísli og Ómar Björn voru í boltanum þegar hann skoraði og hann fullvissaði menn um að það hafi verið hann sem kom boltanum í netið.
„Ég potaði honum inn hundrað prósent, það skiptir svo sem ekki máli við unnum leikinn og þrjú stig heim," sagði Gísli Laxdal.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 13 | 9 | 2 | 2 | 26 - 14 | +12 | 29 |
| 2. Breiðablik | 13 | 8 | 2 | 3 | 24 - 18 | +6 | 26 |
| 3. Valur | 13 | 7 | 3 | 3 | 35 - 19 | +16 | 24 |
| 4. Stjarnan | 13 | 6 | 2 | 5 | 24 - 24 | 0 | 20 |
| 5. Fram | 13 | 6 | 1 | 6 | 21 - 18 | +3 | 19 |
| 6. Vestri | 13 | 6 | 1 | 6 | 13 - 11 | +2 | 19 |
| 7. Afturelding | 13 | 5 | 2 | 6 | 15 - 17 | -2 | 17 |
| 8. KR | 13 | 4 | 4 | 5 | 34 - 34 | 0 | 16 |
| 9. FH | 13 | 4 | 2 | 7 | 19 - 19 | 0 | 14 |
| 10. ÍBV | 13 | 4 | 2 | 7 | 13 - 21 | -8 | 14 |
| 11. KA | 13 | 3 | 3 | 7 | 12 - 25 | -13 | 12 |
| 12. ÍA | 13 | 4 | 0 | 9 | 15 - 31 | -16 | 12 |
Athugasemdir
