Víkingur fór með 2-1 sigur af hólmi á heimavelli í kvöld. Nikolaj Hansen, framherji Víkings, gerði tvö mörk fyrir þá í kvöld og var að vonum ánægður með frammistöðuna sína og liðsins í þessum leik gegn hinu sterka liði Aftureldingar.
„Ég er mjög ánægður. Þetta var geggjaður sigur. Afturelding spilar mjög vel og við vorum að 'ströggla' mikið á litlum köflum. En við héldum áfram að spila, skoruðum mörk og vinnum svo leikinn 2-1," sagði Nikolaj Hansen.
Lestu um leikinn: Víkingur R. 2 - 1 Afturelding
Víkingur laut í lægra haldi fyrir Aftureldingu á útivelli fyrr á tímabilinu og má segja að þeir hafi harkað þennan sigur út gegn ógnarsterku liði Aftureldingar.
„Það er mjög erfitt að spila við Aftureldingu. Afturelding spila mjög vel og eru góðir í mörgum hlutum. Þeir spila hratt, þeir eru með hraða leikmenn á köntunum og bara spila mjög vel. Ég er búinn að eiga tvo erfiða leiki en í fyrri leiknum var ég bara mjög góður."
Nikolaj Hansen gerði það sem hann gerir best í leiknum í kvöld, nefnilega að skora mörk. Hann gerði tvö slík í kvöld.
„Ég held ég sé alveg búinn að spila mjög vel í leikjunum en annars þarf maður að skora mörk líka. Ég er framherji og ég vil skora mörk, þannig að það var gaman að skora tvö mörk í þessum leik."
Viðtalið í heild sinni má nálgast í spilaranum að ofan.
