Enska úrvalsdeildin færist yfir í Sjónvarp Símans frá og með næsta tímabili. Tómas Þór Þórðarson hefur verið ráðinn ritstjóri enska boltans á stöðinni.

Tómas hefur meðal annars unnið á Stöð 2 Sport, Morgunblaðinu og Fótbolta.net á fjölmiðlaferli sínum og er annar umsjónarmanna útvarpsþáttarins Fótbolti.net á X977. Hann mun sjá um dagskrárgerð og lýsingar.

Eiður Smári Guðjohnsen, Logi Bergmann Eiðsson, Margrét Lára Viðarsdóttir og Bjarni Þór Viðarsson verða einnig í teymi Símans.

Síminn hélt kynningarfund í höfuðstöðvum sínum í morgun þar sem meðal annars kom fram að áskriftin að enska boltanum muni kosta 4.500 krónur á mánuði.

Einnig verður enski boltinn inn í Premium pakkanum hjá Símanum fyrir 6 þúsund krónur og þá verður einn leikur í viku sýndur í opinni dagskrá, leikurinn um miðjan dag á laugardegi.

Beinum útsendingum næsta vetur frá enska boltanum fjölga um 32 frá því sem verið hefur. Verða þær því alls 239 talsins. Þar af verða 79 leikir sýndir í 4k-háskerpu.

Viðtöl við Tómas Þór og Eið Smára birtast hér á Fótbolta.net á eftir.

Tweet

Senda a Facebook Hafdu samband Senda frétt Prenta frétt Frétta leit